تخيل تشتري عربية مصنعة في مصر.. وسعرها أقل، وفيها دعم من الدولة يوصل لـ 150 ألف جنيه.. لو عاوز تعرف التفاصيل شوف التقرير للنهاية
الدولة أطلقت البرنامج الوطني لتنمية صناعة السيارات، والبرنامج ده هدفه بسيط وواضح: نصنع عربيات في مصر بدل ما نستوردها بأسعار نار.. يعني مصانع أكتر، شغل أكتر، وفي الآخر سعر أقل للمواطن.

البرنامج بيشجع المصانع تزود المكون المحلي في العربية، ويوصل لحد 60% تصنيع مصري، وكمان يزودوا الإنتاج لحد 100 ألف عربية في السنة.. في حوافز للمصانع اللي تلتزم بالبيئة، واللي تدخل في العربيات الكهربا، واللي تفتح مصانع في محافظات محتاجة تنمية.

طب المواطن يستفيد إزاي؟ الدولة حددت إن العربية اللي تاخد دعم مايزيدش سعرها عن مليون وربع جنيه، وسعة المحرك ما تعديش 1600 سي سي، والحافز ممكن يوصل لحد 30% من سعر العربية.. وبحد أقصى 150 ألف جنيه.

facebook

twitter

whats

• أسعار العربيات
• العربيات الكهربا
• صناعة السيارات
• البرنامج الوطني لتنمية صناعة السيارات
• المكون المحلي