تصدقي إن بـ 8 جنيه في اليوم بس… تقدري تعملي معاش باسمك؟.. لو إنتي ست بيت، أو شغلك مش ثابت، أو مالكيش تأمين.. الدولة أخيرًا قالتلك: “مستقبلك يهمنا.

الهيئة القومية للتأمينات الاجتماعية عاملة نظام مخصوص للسيدات غير العاملات، زي ستات البيوت، عاملات المنازل، محفظات القرآن، وأي واحدة مالهاش وظيفة رسمية.

من سن 18 سنة لحد 45 سنة تقدري تشتركي وتدفعي.

حوالي 243 جنيه في الشهر يعني تقريبًا 8 جنيه في اليوم والدولة بتكمل الباقي دعم ليكي.

بعد ما تكملي 15 سنة تأمين، وتوصلي لسن المعاش، يبقى ليكي معاش شهري ثابت.. بدل ما تبقي قلقانة من بكرة.

وكمان المعاشات زادت: أقل معاش بقى 1755 جنيه.. وأعلى معاش وصل لـ 13 ألف و360 جنيه.
الأوراق بسيطة: بطاقة، شهادة ميلاد، استمارة اشتراك، تقرير طبي، وبيان مهنة.

يعني بـ 8 جنيه في اليوم.. تأمني نفسك، وتطمني على مستقبلك، ومتستنيش حد.. اعملي معاشك بإيدك.

facebook

twitter

whats

• معاش
• معاش ستات البيوت
• الهيئة القومية للتأمينات الاجتماعية
• المعاشات