خبر مهم لـ4.7 مليون أسرة في مصر، فلوس تكافل وكرامة هتنزل إمتى؟ وازاي تصرفها؟

وزارة التضامن الاجتماعي أعلنت إن صرف معاش تكافل وكرامة عن شهر فبراير هيبدأ بكرة الأحد 15 فبراير، بقيمة تتجاوز 4 مليارات جنيه.

ووفقًا لتصريحات الدكتورة مايا مرسي، الدعم هيتم صرفه لـ4.7 مليون أسرة من الأسر الأولى بالرعاية.

تقدروا تصرفوا من أول ساعات الصباح من كل ماكينات الصراف الآلي للبنوك على مستوى الجمهورية، وكمان تقدروا تستخدموا الكارت في الدفع الإلكتروني والمشتريات والمعاملات الحكومية.

الوزارة أكدت إنها بتتابع عملية الصرف بالتنسيق مع المحافظين ومديريات التضامن عشان كل حاجة تمشي بسهولة ومن غير زحمة.

وللعلم، البرنامج بيوصل لحوالي 17 مليون مواطن، بموازنة سنوية بتقرب من 54 مليار جنيه.

facebook

twitter

whats

• تكافل وكرامة
• معاش تكافل وكرامة
• موعد صرف معاش تكافل وكرامة
• مستفيدي تكافل وكرامة
• وزارة التضامن الاجتماعي