الرئيس السيسي قرر يقلب الطاولة على الكل ويظهر العين الحمرا لتجار الأزمات وعمل اجتماع مهم جدا في الرئاسة بحضور عدد من كبار المسئولين.

 فيا ترى  إيه اللي دار في اجتماع الساعات الأخيرة داخل قصر الاتحادية؟ وليه رئيس الحكومة ووزراء التموين والزراعة والمالية وقفوا قدام الرئيس في حالة استنفار قصوى؟ ومين اللي هيتحاسب المرة دي على جنون الأسعار؟ وإيه حكاية الـ 40 مليار جنيه اللي الدولة قررت تضخها فجأة في جيوب المصريين قبل رمضان وهل فعلا التخفيضات اللي سمعنا عنها في معارض أهلا رمضان حقيقية ولا مجرد كلام للاستهلاك الإعلامي؟

الرئيس السيسي يهنئ الشعب المصري والأمتين العربية والإسلامية بمناسبة رمضان

اعرف نصيبك كام من منحة الحكومة.. تفاصيل الحزمة الاجتماعية اللي أمر بيه السيسي قبل رمضان

من ساعات الرئيس السيسي عمل اجتماع مهم جدا مع رئيس الحكومة وعدد من الوزراء .. الرئيس اطلع  في الاجتماع الأخير على كل تفاصيل الاستعدادات لرمضان ووافق على مشروع كاري أون كعلامة تجارية موحدة لكل المنافذ التموينية عشان يضمن إن المواطن يشتري وهو مطمن وده بالتوازي مع تجهيز 2.5 مليون كرتونة وحقيبة رمضانية هتنزل الأسواق بأسعار مناسبة ومعارض بتقدم خصومات بتوصل لـ 25%.

السيسي وجه الحكومة خلال الاجتماع  بالمتابعة اليومية لضبط السوق، ومحاسبة من يغالي في الأسعارمع ضمان جودة المنتجات ونسب التخفيضات.

بس الموضوع المرة دي مكنش بس رقابة ده كان فيه دعم مالي مباشر ووزير المالية أحمد كجوك أعلن عن بدء تنفيذ حزمة الحماية الاجتماعية بتكلفة 40.3 مليار جنيه والهدف هو حماية الفئات الأولى بالرعاية قبل زحمة رمضان والعيد ومن أهم القرارات دي صرف 400 جنيه إضافية لعشرة مليون أسرة على بطاقات التموين خلال شهري مارس وأبريل 2026 وكمان 400 جنيه تانية لـ 5.2 مليون أسرة في برنامج تكافل وكرامة عشان الناس تقدر تواجه الغلاء وهي مسنودة بظهر قوي.

الدولة كمان مسبتش القطاع الصحي بعيد عن الحزمة دي وخصصت 3 مليارات جنيه عشان تنهي تماما قوائم انتظار الحالات الحرجة و3 مليارات جنيه زيادة لعلاج محدودي الدخل على نفقة الدولة لحد شهر يونيو الجاري ده غير المفاجأة الكبيرة لأهالي المنيا بتبكير دخولهم في منظومة التأمين الصحي الشامل من أول أبريل اللي جاي وتحمل الخزانة لاشتراكات غير القادرين.

والتحركات دي كملت بدعم الفلاح بـ 4 مليارات جنيه فروق سعر توريد القمح اللي زاد لـ 2350 جنيه للأردب وضخ 15 مليار جنيه في مشروعات حياة كريمة لسرعة الانتهاء من ألف مشروع خدمي.

والرسالة من كل ده واضحة وصريحة إن الدولة حاطة إيدها في كل ملف وصدرت تعليمات مفيهاش رجوع بإن أي تلاعب في الأسعار أو جودة السلع هيقابل بحسم عسكري ومن غير أي تفاهم لأن حياة المصريين وأمنهم الغذائي خط أحمر مسموحش لحد يقرب منه أو يلعب فيه تحت أي ظرف.

facebook

twitter

whats

• السيسي
• الأسواق
• لصوص الأسواق
• تعليمات مهمة للسيسي قبل رمضان
• تجار الأزمات
• رئيس الحكومة
• معارض أهلا رمضان
• سعر توريد القمح