خلي بالك وانت بتشتري طماطم الأيام الجاية.. السوق داخل على مرحلة اسمها فاصل العروات، يعني موسم خلص ولسه اللي بعده ما بدأش، وده غالبًا بيعمل قلة في المعروض.

الفترة اللي فاتت الطماطم كانت رخيصة أوي، لدرجة إن تكلفة إنتاج الكيلو على الفلاح كانت أعلى من سعر بيعه، وده خلى ناس كتير تقلل الزراعة أو تسيب المحصول.

دلوقتي الصورة بتتغير، ومع قلة الكميات، السعر المتوقع يرجع لمستواه الطبيعي،
يعني الكيلو ممكن يوصل للمستهلك في حدود من 10 لـ15 جنيه.

المهم هنا إن الزيادة دي مش دائمة، دي فترة انتقالية بس، ممكن تستمر من 20 لـ30 يوم، ومع بداية العروة الجديدة، الأسعار هتهدى تاني.

والفرق الكبير في السعر بيحصل بسبب النقل والوسطاء، وعشان كده الحل دايمًا في التوزيع المباشر وتوسيع منافذ البيع، عشان السعر يوصل للمواطن بشكل أهدى.

يعني ببساطة الطماطم اللي أسعارها تراجعت خلال الأيام اللي فاتت ممكن تغلى شوية، بس الزيادة مؤقتة، ومش سبب للهلع أو التخزين.

facebook

twitter

whats

• الطماطم
• أسعار الطماطم
• سوق الطماطم
• موسم الطماطم
• سعر الطماطم اليوم