لو مسافر قريب من مطار مصري، ركز معايا.. من نهاية يناير، كارت الجوازات الورقي هيكون اتلغى رسميًا، ومن أول فبراير يبدأ التطبيق الكامل للنظام الجديد.

طيب يعني إيه الكلام ده؟ هقولك.. يعني مفيش نماذج ورق، ولا كتابة بيانات بإيدك، ولا زحمة على شبابيك الجوازات.

رئيس الوزراء يتابع موقف مشروع تطوير المنظومة المتكاملة لمعلومات مصلحة الجوازات المركزية

مدبولي: بدأنا في طرح المطارات المصرية للإدارة والتشغيل أمام القطاع الخاص

كل إجراءات السفر دلوقتي بتتم إلكترونيًا، من خلال جواز السفر نفسه، والبيانات بتتسجل وتتفحص مسبقًا
عن طريق أنظمة رقمية حديثة.

والنظام الجديد بيعتمد على: قواعد بيانات إلكترونية موحدة، الربط مع نظام معلومات المسافرين المتقدم، قراءة بيانات الجواز بشكل مشفر، وإلغاء التعامل الورقي نهائيًا.

والناتج إيه بقى؟ وقت انتظار أقل، حركة أسرع، وزحمة أقل جوه المطار، من غير أي تأثير على إجراءات الأمان.

وخليني اقولك ان التطوير مش واقف هنا، الدولة كمان بتوسع في التأشيرة الإلكترونية، وبتسهل إصدار التأشيرة الاضطرارية فور الوصول، عشان دخول السائحين يبقى أسرع وأسهل.

وكمان في تحسينات في استلام الشنط:
أول شنطة خلال 20 دقيقة،ووآخر شنطة بحد أقصى 40 دقيقة من وصول الطيارة.

وإلغاء كارت الجوازات مش قرار لوحده، ده جزء من خطة كبيرة لتطوير المطارات، وتحديث الأنظمة، وتحسين تجربة السفر، ورفع تصنيف المطارات المصرية عالميًا.. يعني حضر شنطتك وسافر أسهل وأسرع من غير ورق

facebook

twitter

whats

• الجوازات
• كارت الجوازات
• إلغاء كارت الجوازات
• المطارات المصرية
• شبابيك الجوازات