وزارة الإسكان هتطرح قريب 65 ألف وحدة سكنية جديدة في مدن مختلفة، منها 37 ألف شقة لمحدودي الدخل و28 ألف شقة لمتوسطي الدخل.

والأسعار هتبدأ من 270 ألف جنيه وتوصل لـ700 ألف حسب المساحة والمكان.. والمقدم هيبدأ من 25 ألف جنيه لحد 50 ألف جنيه.

وكمان التقديم كله هيكون إلكتروني على موقع صندوق الإسكان الاجتماعي.. وده هيسهل على كل الناس حجز شقتهم من البيت من غير تعب أو لف ودوران، وبالنسبة لشروط حجز شقق محدودي الدخل.

لازم المتقدم يكون مصري ومش أقل من 21 سنة ومش أكتر من 50 سنة.. والدخل لازم يكون مناسب للفئة، وكمان ما يكونش مالك أي وحدة أو أرض من قبل.

الفرصة دي هتبدأ في النصف الأول من 2026، يعني لو بتدور على شقة العمر دلوقتي لازم تتابع الموقع وتجهز أوراقك عشان متفوتكش الفرصة.. 65 ألف شقة فرصة كبيرة لكل الناس اللي نفسها تمتلك شقة.

facebook

twitter

whats

• الإسكان
• وزارة الإسكان
• محدودي الدخل
• متوسطى الدخل
• صندوق الإسكان الاجتماعي