سعرها 585 الف جنيه بس.. لو قولتلك أن فيه عربية كهربا دخلت السوق المصري بارخص من العربيات البنزين هتصدق.

خليني اقولك أن ستروين أمي أرخص عربية ستروين بتقدمها في مصر وسعرها 585 ألف جنيه.

عربية كهربا صغيرة .. معمولـة للمشاوير السريعة جوه المدينة بمقعدين بس وتصميم مختلف بأبواب بتتشال وسقف بيتفتح .

العربية دي فيها بمحرك كهربا قوته 6 كيلوواط يعني حوالي 8 حصان.. وأقصى سرعة ليها  45 كم في الساعة وبتعمل لحد 75 كم في الشحنة الواحدة ببطارية ليثيوم أيون سعتها 5.4 كيلوواط ساعة وبتتشحن كاملة في حوالي 4 ساعات وزن العربية خفيف حوالي 470 كيلو وكمان فيها كشافات LED قدام وورا عشان الرؤية والأمان.

وبالنسبة لتصميمها فهو شبابي وجريء وبتتقدم بفئة واحدة بس وكل ده بسعر رسمي 585 ألف جنيه.

facebook

twitter

whats

• ارخص عربية كهرباء
• السوق المصري
• ستروين
• ستروين أمي
• سيارة سيتروين