أخبار مهمة من ملف الإسكان الاجتماعي.. اعلنتها رئيسة صندوق الإسكان الاجتماعي.. قالت إن الدولة بتطرح دلوقتي 40 ألف وحدة سكنية، ومعاهم تنفيذ 242 ألف وحدة جديدة في مراحل مختلفة. 

من وقت إطلاق برنامج المليون وحدة، الدولة نفذت مليون و72 ألف وحدة سكنية، وتم الانتهاء فعليا من 790 ألف وحدة وتسليمها للمستفيدين.

البرنامج بيستهدف المواطنين من سن 21 لحد 50 سنة.. وده عشان يضمن وصول الدعم للفئات اللي فعلا محتاجة سكن مستقر.

وبخصوص الأسعار، تم التأكيد إن الشقق ما كانتش هتكون في متناول المواطنين من غير تدخل الدولة، عشان كده الدولة قدمت دعم مباشر وصل لتخفيض حوالي 50% من سعر الوحدة.

اللافت كمان إن 65% من المستفيدين تعاملوا مع البنوك لأول مرة للحصول على تمويل عقاري، ونسب إشغال الوحدات تجاوزت 74%.. وده معناه إن الشقق دي اتسكنت فعلا ومش مجرد أرقام.

facebook

twitter

whats

• الإسكان
• الإسكان الاجتماعي
• ملف الإسكان الاجتماعي
• صندوق الإسكان الاجتماعي
• إطلاق برنامج المليون وحدة