رصدت بانكير، خلال الساعات الأخيرة، عدد من الملفات على الساحة المحلية والعالمية، التي تم نشرها عبر منصاتها المختلفة، والتي يأتي من أبرزها، تفاصيل مفاجأة السيسي، ومواعيد عمل البنوك في رمضان، وخبر سار من صندوق النقد.

والبداية من القطاع المصرفي اللي أعلن فيه البنك المركزي المصري عن مواعيد العمل الرسمية في البنوك خلال شهر رمضان المبارك لسنة 2026 وعشان المواعيد تناسب طبيعة الشهر الكريم وطقوسه المواعيد الجديدة هتبقى كالتالي.

دعم نقدي مباشر.. الرئيس السيسي يوجه بحزمة حماية اجتماعية قبل رمضان وصرف مرتبات فبراير الأسبوع الجاري

2.5 مليار دولار في الطريق.. صندوق النقد يعتمد مراجعات برنامج مصر 25 فبراير

بالنسبة للموظفين الشغل هيبدأ من الساعة تسعة الصبح لحد الساعة اتنين بعد الظهر وبالنسبة للجمهور والعملاء الأبواب هتفتح من الساعة تسعة ونص الصبح لحد الساعة واحدة ونص بعد الظهر.

 والبنك المركزي أكد إن التعديل ده هدفه تنظيم ساعات العمل بشكل يضمن تقديم الخدمات المصرفية بسلاسة وسهولة وفي نفس الوقت يراعي راحة الموظفين في أيام الصيام

ولسه مكملين مع أخبار البنك المركزي المصري اللي كشف عن طفرة في صافي الأصول الأجنبية عنده واللي ارتفعت ووصلت لخمستاشر مليار و13 مليون دولار بما يعادل حوالي 705 مليار جنيه بنهاية يناير 2026 وده مقارنة بـ 13.3 مليار دولار بنهاية ديسمبر 2025 اللي كانت بتعادل وقتها 634 مليار جنيه تقريبًا.

وكان المركزي كشف في مايو 2024 عن تحول تاريخي في صافي الأصول الأجنبية من العجز لتحقيق فائض لأول مرة من مارس 2022 وحقق وقتها فائض بقيمة تعادل 458 مليار جنيه بعد ما كان فيه عجز بيوصل لـ 36 مليار جنيه في أبريل 2024.

وصافي الأصول الأجنبية ده بيعتبر واحد من أهم معايير الاستقرار وقوة الجهاز المصرفي لأنه بيوضح الفرق بين أصول البنك المركزي والتزاماته بالعملات الأجنبية.

ومن المركزي نروح لصندوق النقد الدولي اللي أدرج المراجعتين الخامسة والسادسة لبرنامج التسهيل الائتماني الممدد لمصر ومعاهم المراجعة الأولى لبرنامج المرونة والاستدامة على جدول اجتماعات مجلس المديرين التنفيذيين يوم 25 فبراير الجاري وفي حالة إقرار المراجعتين دول مصر هتستلم تمويلات بتوصل لاتنين مليار و700 مليون دولار.

وكان الصندوق أعلن في 22 ديسمبر 2025 إن بعثته وصلت لاتفاق مع مصر بخصوص المراجعات دي ضمن برنامج التمويل الممتد اللي قيمته الإجمالية 8 مليار دولار ده غير تمويل المرونة والاستدامة اللي قيمته مليار و300 مليون دولار والصندوق.

 كمان رفع الشهر اللي فات توقعاته لنمو الاقتصاد المصري للمرة الثانية خلال تلات شهور عشان توصل لـ 4.7% ومتوقع إن النمو يوصل لـ 5.4% بحلول سنة 2027 وده كله بدعم من استمرار برامج الإصلاح الاقتصادي وتعزيز الاستقرار المالي.

ونختم جولتنا مع وزير المالية أحمد كجوك اللي أعلن النهاردة الحد عن بدء تطبيق حزمة الحماية الاجتماعية الجديدة اللي وجه بيها الرئيس السيسي قبل شهر رمضان عشان تدعم الفئات الأولى بالرعاية والأقل دخلًا بتكلفة إجمالية وصلت لـ 40.3 مليار جنيه تنفيذًا لتكليفات رئيس الجمهورية والوزير أوضح في بيان رسمي إن الحزمة دي بتتضمن مساندة نقدية مباشرة للأسر المستحقة عشان تحسن أحوالهم المعيشية بمناسبة شهر رمضان وعيد الفطر.

وأشار إن فيه دعم نقدي إضافي بقيمة 400 جنيه لعشرة مليون أسرة معاهم بطاقات تموينية خلال شهري مارس وأبريل 2026 بتكلفة 8 مليار جنيه ده غير 400 جنيه تانية خلال رمضان والعيد لحوالي 5.2 مليون أسرة من مستفيدي تكافل وكرامة بتكلفة 4 مليار جنيه ومساندة بقيمة 300 جنيه لمستفيدي معاش الطفل والرائدات الريفيات.

والوزير أكد كمان إن فيه 3 مليار جنيه لسرعة الانتهاء من قوائم انتظار المرضى والحالات الحرجة و3 مليار جنيه زيادة في مخصصات العلاج على نفقة الدولة لمحدودي الدخل في الفترة من فبراير لحد يونيو 2026 وده تنفيذًا لتوجيهات الرئيس بعلاج كل الحالات الحرجة عشان نحتفل بشفائهم مع دخول عيد الفطر.

facebook

twitter

whats

• السيسي
• مفاجأة السيسي
• مواعيد عمل البنوك
• صندوق النقد
• الحماية الاجتماعية