مصر داخلها مرحلة جديدة من رفاهية السفر.. قطار “حارس النيل”.. أول قطار فندقي فاخر بين القاهرة وأسوان!

اتخيل معايا.. رحلة 3 أيام وليلتين، كله فخامة وهدوء، قطار ماشي على خط النيل، والديكور جواه مستوحى من الحضارة المصرية القديمة والعمارة الكلاسيكية.. تحس إنك في فندق عائم بس على قضبان.

أغلى تذكرة قطار في مصر.. الرقم هيفاجئك!

تعاون «مصري ألماني» لتشغيل أول شبكة قطارات كهربائية سريعة بطول 2000 كيلومتر

القطار الجديد هيتكون من 15 عربة فندقية.. و40 كابينة بس علشان الخصوصية.. ومتقسمين لثلاث فئات مختلفة على حسب مستوى الرفاهية.

“حارس النيل” هيتحرك من القاهرة لحد أسوان، ويقف في أهم المزارات والمعابد على الطريق، تنزل تزور، وتستمتع، وترجع تكمل رحلتك في غرفتك الفاخرة.

الرحلة معمولة على نظام “السفر البطيء”.. يعني تستمتع بكل لحظة في الطريق مش مجرد إنك توصل للوجهة.

المشروع بتنفذه شركة إيطالية عالمية متخصصة في القطارات الفاخرة، والقطار هيبدأ تشغيله رسميًا سنة 2027 بعد الانتهاء من التجهيزات بالكامل.

وده جزء من خطة كبيرة علشان مصر ترجع تاني على خريطة السياحة العالمية بس بشكل مختلف.

استعدوا.. شكل السياحة في مصر داخلة على مستوى جديد تمامًا.

facebook

twitter

whats

• حارس النيل
• قطار فندقي
• القاهرة وأسوان
• أول قطار فندقي فاخر
• السياحة
• قطار حارس النيل