سوق العربيات في مصر أخيرًا بدأ يرجع لطبيعته.. وفي مفاجآت محدش كان متوقعها:
موديلات مستعملة نزلت لحد 150 ألف جنيه في أسابيع قليلة بس!
طيب إيه اللي قلب السوق بالشكل ده؟
شعبة السيارات طلعت وقالت إن الموضوع مش صدفة.

في 3 عوامل كبار نزلوا الأسعار غصب عن السوق:
أول حاجة: انخفاض الدولار وده لوحده كفيل يهدي الأسعار اللي كانت مولعة
تاني حاجة: الفايدة نزلت فبقى فيه حركة بيع وشراء أكتر.

تالت حاجة: دخول توكيلات جديدة بأسعار تنافسية، حرفيًا كسرت تسعير موديلات كانت مبالغ فيها بشكل كبير
لكن المفاجأة الأكبر.

إن مصر بقت فيها 8 خطوط إنتاج سيارات جديدة في نفس الوقت!
مصانع محلية شغالة، وضغط كبير على الوكلاء إنهم يعيدوا تسعير موديلات تم رفعها بشكل غير منطقي قبل كده
وما ننساش كمان العربيات الكهربائية.. اللي فجأة بقت بتتباع أسرع من البنزين!.. الكهربا بتحتاج حوالي 34 يوم علشان تتباع.

والبنزين بياخد تقريبًا 43 يوم
رغم إن حصة الكهربا في المستعمل صغيرة حوالي 1.6% بس.. لكنها بتتباع بين 20 و30 ألف دولار، وبتدي قيمة كبيرة جدًا ونص تمن الجديدة تقريبًا
الناس بدأت تفهم إن الكهربا مش بس موضة دي صفقة كويسة.. ودي حاجة تقولنا ان اللي بيحصل ده كله بيقول إن السوق داخل على استقرار حقيقي، خصوصًا مع الإنتاج المحلي اللي بيزيد، والمنافسة اللي بقت أعلى، والاتجاه للعربيات الكهربائية اللي ماشي بسرعة فوق المتوقع.

يعني لو بتفكر تشتري عربية الفترة الجاية؟.. الظروف في صفك أكتر من أي وقت فات.

facebook

twitter

whats

• العربيات
• سوق العربيات
• شعبة السيارات
• الدولار
• العربيات الكهربائية