لو نفسك تسافر تشتغل برة مصر أو بتدور على شغل جوة البلد خلي بالك عشان فيه قانون عمل جديد نزل بشروط صارمة عشان يحميك ويحمي حقك
قانون العمل الجديد لسنة 2025 حدد إن مفيش أي جهة تقدر توظف مصريين غير الوزارة المختصة أو شركات مساهمة مرخصة وليها سجل نظيف وشروط خاصة جداً
واكتر حاجة تهمك في القانون ده هي الفلوس.. القانون حظر تماماً على أي شركة إنها تاخد منك أي مبالغ مالية عشان توظفك بشكل مباشر أو غير مباشر وبس سمح لشركات التوظيف المرخصة إنها تتقاضى 1% فقط من أجر السنة الأولى كمصروفات إدارية وممنوع مليم زيادة تحت أي مسمى.

القانون كمان حط شروط تعجيزية لأصحاب الشركات دي زي إن رأس مالها مايوصلش لأقل من نصف مليون جنيه وتأمين بمليون جنيه في البنك عشان يضمنوا إن حقوقك متضيعش لو حصلت أي مشكلة.

الهدف من القرارات دي هو القضاء على شركات النصب والتوظيف الوهمي اللي بتستغل حلم الشباب في السفر وتلم منهم مبالغ ضخمة وتختفي
قولنا انت بقى هل شايف إن نسبة الـ 1% دي عادلة ولا المفروض التوظيف يكون مجاني تماماً من غير أي مصروفات إدارية.

facebook

twitter

whats

• التوظيف
• شركات التوظيف
• شروط جديدة للعمل بالخارج
• قانون العمل الجديد