لو إنت من العمالة غير المنتظمة، الخبر ده يهمك .. خلال ساعات، هيبدأ صرف منحة عيد الميلاد المجيد بقيمة 1500 جنيه، وبيستفيد منها أكتر من 199 ألف عامل مسجلين في وزارة العمل.

المنحة بتتصرف من مكاتب البريد في كل المحافظات، كل اللي محتاجه: بطاقة رقم قومي سارية ورقم التسجيل الدال على الاستحقاق.. والصرف مستمر لحد نهاية شهر يناير.

طيب مين الفئات المستحقة؟

عمال التراحيل.

الباعة الجائلين وموزعين الصحف.

الحرفيين وماسحي الأحذية.

عمال الزراعة المؤقتين.

عمالة المنازل.

محفظي القرآن والقراء.

خدام الكنائس والمرتلين.

وملاك العقارات اللي دخلهم أقل من الحد الأدنى.

ولو حابب تسجل أو تتأكد من بياناتك، التقديم بيكون أونلاين من خلال موقع وزارة العمل، قسم العمالة غير المنتظمة،
وتدخل بياناتك، ترفق المستندات، وتتابع الطلب.

بس خد بالك من الشروط:

لازم تكون مصري

سنك من 20 لـ60 سنة

معندكش وظيفة ثابتة ولا سجل تجاري

وبطاقتك مكتوب فيها مهنتك الحالية.

لو شايف إنك من المستحقين، ما تنساش تتابع وتروح البريد في الموعد.

facebook

twitter

whats

• العمالة غير المنتظمة
• عيد الميلاد
• منحة عيد الميلاد المجيد
• وزارة العمل
• مكاتب البريد