طوله 37 مترا ووزنه 135 طن.. انجاز تاريخي جديد بتحققه مصر.. رسميا البلد بتدخل عالم تصنيع اليخوت البحرية وكلها كام سنة وتلاقي اليخوت في اوربا وامريكا صناعة مصرية 100٪.

النهاردة الفريق أسامة ربيع رئيس هيئة قناة السويس شهد على تدشين أول يخت سياحي من إنتاج شركة قناة السويس للقوارب الحديثة.

تركيا تفرض ضريبة 8% على اليخوت وتلغي إعفاء السفن الفاخرة

سياحة اليخوت في مصر.. خطة لاستقبال 10 آلاف يخت خلال 5 سنوات ومضاعفة الإيردات بحلول 2030

في لفتة بتعكس بداية جديدة بتقول إن مصر دخلت بقوة في عالم صناعة اليخوت.

وشعارهم صنع في مصر.. اليخت الجديد مش أي يخت موجود في العالم ده تحفة بطراز Sport fisher man تصميم عالمي ومجهز بأحدث معدات الصيد.. طوله 37 متر وعرضه أكتر من 8 متر وفيه جناح رئيسي وأربع غرف فخمة ده غير كبائن للطاقم.

كمان فيه نظام هيدروليك متطور بيحرك الوينش الأمامي ومنصة السباحة الخلفية أما تصميمه الخارجي فمعمول من مكتب Fryco الأمريكي وتصميمه الداخلي من إبداع المصمم العالمي Georges Vafiadis وكل ده تحت إشراف هيئة إيطالية معتمدة .

شركة قناة السويس للقوارب الحديثة فعلاً بتفتح باب جديد لصناعة بحرية مصرية بجودة عالية ومنافسة عالمية 
وقدام هنلاقي يخوت ولنشات وتاكسي نهري بتخدم السياحة.

الفريق أسامة ربيع أكد إن الشركة بتمثل خطوة كبيرة في طريق توطين الصناعة البحرية وإن اللي جاي أكبر وأقوى لأن مصر مش بس بتعدي السفن لكنها كمان بتصنعها.

facebook

twitter

whats

• اليخوت
• صناعة اليخوت الفاخرة
• عالم تصنيع اليخوت البحرية
• قناة السويس