لو بتفكر تشتري عربية مستعملة أو بتدور على عربية بإمكانيات عالية وبأقل سعر فركز معايا اوي لأن الفترة دي ممكن تكون أحسن فرصة ليك.

وده لان اللي بيحصل دلوقتي في سوق العربيات مختلف عن اللي اتعودنا عليه السنين اللي فاتت وده لان بعد فترة طويلة من الغلاء السوق بدأ يهدى وأسعار عربيات الزيرو نزلت شوية وده سحب وراه سوق المستعمل اللي كان اسعاره طايرة وبقى فيه تراجع واضح خلى عربيات حديثة تظهر بأسعار أقرب للمنطق.

فعندنا مثلا عربية سوزوكي سياز الياباني اللي كانت بعيدة عن ناس كتير وبقت دلوقتي في سوق المستعمل بسعر من 500 لحد 650 ألف جنيه حسب الحالة والسنة.

وده معناه إن اللي بيشتري مستعمل دلوقتي بقى عنده اختيارات أحدث وبقيمة أحسن ومع نزول الأسعار بقى في عرض أكتر وطلب أهدى والمشتري بقى أقوى في التفاوض وده خلّى التوقيت الحالي واحد من أفضل الأوقات للي بيدور على عربية كويسة بسعر أقل من اللي كان موجود من شهور قليلة.

وسوزوكي سياز مثال واضح على تأثير اللي حاصل في السوق من عربية سعرها كان عالي وبقى دلوقتي متاح بشكل أكبر وده مؤشر إن المرحلة الجاية ممكن تشهد نزول أكتر واستقرار أفضل في سوق العربيات بشكل عام.

facebook

twitter

whats

• العربيات
• سوق العربيات
• عربية مستعملة
• سوزوكي سياز الياباني
• سوق المستعمل