فاكهة اليوباري اليابانية مش بس شمام عادي.. دي رمز الفخامة والترف العالمي! ثمارها الكروية المثالية، لونها البرتقالي الزاهي من الداخل، وطعمها الحريري المليان عصير، خلاها أغلى فاكهة في العالم وبتتوفر بس بكميات قليلة جدًا في المزادات العالمية، ثمرة واحدة من اليوباري اتباعت بأرقام خيالية وصلت لعشرات آلاف الدولارات

شمام اليوباري بيتزرع بس في منطقة يوباري في جزيرة هوكايدو باليابان، وبظروف زراعية دقيقة جدًا، يعني زراعته مش سهلة خالص، لأنه لازم يتحكموا في درجة الحرارة، الرطوبة، كمية المياه، وضوء الشمس بشكل إلكتروني كامل، وكل مرحلة من مراحل نمو الثمرة بيتابعوها بعناية شديدة.

مصر تخوض تجربة زراعة فاكهة “الكيوانو” النادرة في الإسماعيلية.. هل هي استثمار المستقبل؟

مصر تتوسع في زراعة التانجرين.. مصدر دولاري جديد والسر في “سحب أوروبا”.. ما القصة؟

الحصاد كمان بيتم يدويًا، عشان كل ثمرة تطلع بالشكل المثالي والوزن المتقارب مع التانية، كل التفاصيل دي بتخلي كل ثمرة مشروع زراعي كامل بذاته، وده السبب في ارتفاع سعرها الكبير عالميًا.

المواصفات المميزة للفاكهة مش بس شكلها وطعمها، لكن كمان طريقة زراعتها الفريدة، و الفاكهة دي رمز للرفاهية في اليابان وبتدخل ضمن هدايا النخبة في المناسبات الرفيعة، وده اللي بيخلي أسعارها في المزادات توصل لمستويات خيالية، و صعوبة الزراعة وقلة الإنتاج هما السبب الأساسي في ندرتها وقيمتها العالية.

أما فكرة زراعتها في مصر فهي ممكنة من الناحية النظرية، لكن مش سهلة، لازم نوفر بيئة زراعية شديدة الانضباط، وصوب مزودة بتحكم إلكتروني كامل في الحرارة والرطوبة والضوء طول الموسم، كمان المية لازم تكون قليلة الملوحة، وده ممكن يتعوض بفلاتر ومياه محلاة.

وكمان التربة المثالية لازم تكون غنية بالمعادن، وتقليم النباتات وتنظيم عدد الثمار على كل نبات أسلوب لازم يتبع بدقة، و كل ده محتاج عمالة متخصصة وتدريب على أسلوب الزراعة الخاص بالشمام.

وحتى لو تم توفير كل الشروط دي، هيفضل صعب جدًا الوصول لجودة وشكل ثمار يوباري زي اليابان بنسبة 100%، لكن مع التكنولوجيا الحديثة والاهتمام بالزراعة الدقيقة، ممكن نبدأ مشروع محدود لإنتاج ثمار فاخرة تشبه الأصلية وتكون خطوة قوية لمصر في مجال الفواكه النادرة والفخمة.

وعشان كده شمام اليوباري مش مجرد فاكهة.. دي أسلوب حياة للغني والفخامة العالمية، وفي نفس الوقت مثال على مدى صعوبة الزراعة الدقيقة وإنتاج فاكهة بنكهة وشكل استثنائي.. ومشروع زي ده في مصر ممكن يفتح مجال جديد للصادرات الفاخرة، لكنه يحتاج استثمارات ضخمة ودقة متناهية.

facebook

twitter

whats

• اليوباري
• بطيخ اليوباري
• مشروع مصر الزراعي
• فاكهة الأثرياء
• فاكهة اليوباري اليابانية