ملف التصالح في مخالفات البناء رجع تاني بقوة جوه مجلس الشيوخ وفيه تحركات جديدة بتستهدف حل مشاكل ناس كتير.. لجنة الإسكان والإدارة المحلية والنقل بمجلس الشيوخ برئاسة الدكتور أحمد الشعراوي ناقشت ملف التصالح في إطار اقتراح برلماني هدفه خطة شاملة تسرع البت في الطلبات وتخفف معاناة المواطنين.

خلال الاجتماع اتأكد إن الحكومة بتولي الملف ده اهتمام كبير وإن فيه تطور ملحوظ في الأداء خلال الفترة اللي فاتت.. الهدف الأساسي من التحركات دي هو تسريع الإنجاز وتحقيق راحة المواطن وفي نفس الوقت الحفاظ على حقوق الدولة.. كمان فيه مراجعات مستمرة لقانون التصالح ولائحته التنفيذية علشان يتم علاج مشاكل التطبيق العملي اللي ظهرت على الأرض.

ومن النقاط المهمة الاعتماد بشكل أكبر على مراكز التكنولوجيا في المحافظات لتسهيل الإجراءات وتقليل الاحتكاك المباشر بين المواطن والموظف ومحاربة أي ممارسات خاطئة.

وأي مشكلة متكررة بتظهر في ملف التصالح بيتم التعامل معاها فورا سواء بقرارات إدارية أو تعديلات تنفيذية أو حتى تعديلات تشريعية لو الموضوع محتاج كده.. الرسالة واضحة ملف التصالح لسه مفتوح والدولة بتحاول توصل لحل نهائي يرضي المواطن ويحفظ حقها في نفس الوقت.

facebook

twitter

whats

• مخالفات البناء
• مجلس الشيوخ
• لجنة الإسكان والإدارة المحلية والنقل بمجلس الشيوخ
• قانون التصالح