إشاعات كتير انتشرت على السوشيال ميديا قالت إن كارت الكهرباء بقى صعب الشحن، وإن العدادات هتتغير وكل مواطن هيدفع 12 ألف جنيه، وكمان زيادة أسعار الكهرباء على الطريق.لكن الحقيقة غير كده خالص.

الشركة القابضة لكهرباء مصر خرجت ووضحت كل حاجة بشكل رسمي وقالت في بيان إن  كل اللي اتقال غلط تمامًا.

بيان عاجل من الكهرباء بشأن حقيقة زيادة الأسعار وتغيير العدادات بـ12 ألف جنيه

وأنت فى بيتك.. خطوات شحن كارت الكهرباء 2026 أونلاين

والشحن متاح بسهولة عن طريق شركات كتير ومنصات إلكترونية زي فوري، دلتا للأنظمة الإلكترونية، مصاري، أمان، وقتي، تمام، سداد، ممكن، خدماتي، ضامن، وغيرها، بإجمالي أكتر من 280 ألف نقطة شحن على مستوى الجمهورية، وكمان تطبيقات إلكترونية زي My Fawry و”سهل”، وفوق كده 1000 مركز شحن تابع لشركات توزيع الكهرباء.

أما عن تغيير العدادات أو دفع 12 ألف جنيه، قالت مفيش أي قرار بمدن والكلام ده كله إشاعات والأسعار ثابتة حسب القرارات الرسمية، مفيش أي زيادة حاليًا.

الشركة أكدت كمان إنها هتستمر في تطوير الخدمات الرقمية وتوسيع نقاط الشحن لضمان سهولة وصول كل المواطنين للكهرباء، ونصحت الناس يعتمدوا دايمًا على البيانات الرسمية ومصادر الشركة عشان ما يتعرضوش للشائعات المضللة.

يعني الكهرباء متاحة وسهلة الشحن، ومفيش أي زيادة أو تكلفة مفاجئة.

facebook

twitter

whats

• الكهرباء
• أزمة الكهرباء
• كارت الكهرباء
• أسعار الكهرباء
• الشركة القابضة لكهرباء مصر