ناس كتير من سكان الإيجار القديم بتسأل سؤال واحد دلوقتي.. السكن البديل هيكلفنا كام، والقسط هيبقى في حدود ايه.

خلينا نقولها ببساطة وبالأرقام، الوحدات اللي الدولة بتتكلم عنها مساحتها في المتوسط حوالي 70 او 80 متر، وسعر المتر حسب التصريحات والتقديرات الحالية بيتراوح ما بين 8000 لحد 12000 جنيه.

يعني سعر الوحدة ممكن يوصل لحوالي 700 او 800 الف جنيه طيب والقسط كام ؟ لو الوحدة بنظام تمليك وعلى فترة طويلة زي 20 سنة القسط الشهري ممكن يبدأ من 4000 جنيه في الحالات المدعومة، ويوصل لحد 8000 او 9000 جنيه حسب المكان ونسبة الدعم.

وفي حالات تانية الدولة بتتكلم عن ايجار مدعوم.. وده ممكن يكون اقل بكتير وبيتحسب حسب الدخل وعدد افراد الاسرة.. المهم تعرف.. مفيش رقم واحد ثابت لكل الناس.. القسط بيتحدد حسب دخلك.. وحسب نوع الوحدة.

وحسب انت داخل اي نظام بالظبط.. عشان كده ملف السكن البديل مش مجرد نقل من شقة لشقة، ده ملف معيشة كامل، واي قرار فيه لازم يبقى محسوب على دخل الناس.

هل الارقام دي مناسبة لغالبية مستاجري الايجار القديم، ولا محتاجة مراجعة وضمانات اكتر.

facebook

twitter

whats

• السكن البديل
• إيجار قديم
• قسط السكن البديل
• سكان الإيجار القديم
• مستأجري الإيجار القديم