لو والدك أو والدتك كبروا في السن ومش قادرين ينزلوا يجددوا بطاقة الرقم القومي.. دلوقتي في حل سهل جدًا وهيخليهم يخلصوا كل حاجة وهما في البيت، وزارة الداخلية فعلت خدمة تجديد البطاقة إلكترونيا من غير ما تروح مكاتب الأحوال المدنية.

يعني تقدر تدخل على موقع الوزارة الرسمي، وتطلب استخراج بطاقة رقم قومي جديدة أو بدل فاقد أو بدل تالف، وكمان تختار نوع الاستمارة اللي تناسبك: عادية، مستعجلة، مميزة.

تعرف على أهمية «الرقم القومي للعقار».. وهيحل كام مشكلة

فتح باب إضافة المواليد على بطاقة التموين.. اعرف الشروط وطريقة التقديم

ولو مش حابب تستخدم الإنترنت، تقدر تكلم الكول سنتر على الأرقام دي: 15340 أو 16582 وده لخدمات المستخرجات العادية زي شهادات الميلاد والزواج والوفاة.

أما لو الشخص كبير في السن أو مريض أو من ذوي الهمم، فالوزارة خصصت خط ساخن خاص بيهم: 15341 تقدر من خلاله تطلب تجديد البطاقة أو أي مستخرج، وهيجيلك مندوب لحد البيت علشان يصورك ويساعدك في كل الإجراءات، والبطاقة بتكون جاهزة في نفس اليوم!

الخدمة دي جزء من خطة وزارة الداخلية لتسهيل حياة المواطنين وتقليل الزحمة في السجلات، وكمان علشان كبار السن مايواجهوش أي تعب أو مجهود

يعني ببساطة لو والديك محتاجين يجددوا البطاقة، مفيش داعي للمشاوير ولا الطوابير،كفاية مكالمة واحدة من البيت!

facebook

twitter

whats

• البطاقة
• خدمة تجديد البطاقة إلكترونيا
• بطاقة الرقم القومي
• البطاقة الشخصية
• السجل المدني