تخيل إنك تلف العاصمة الإدارية الجديدة كلها بـ5 جنيه بس!. شركة العاصمة الإدارية أعلنت رسميًا عن إطلاق نظام التذاكر الموحد لأتوبيسات العاصمة الجديدة، وده هيبدأ تطبيقه من أول فبراير 2026، في خطوة هدفها تنظيم حركة التنقل وتقديم مواصلات حديثة وبسعر رمزي.

النظام الجديد بيعتمد تذكرة موحدة بـ5 جنيه صالحة لكل خطوط الأتوبيسات جوه العاصمة، وكمان اشتراك شهري بـ100 جنيه تقدر تستخدمه طول الشهر من غير حدود.

كروت الاشتراك هتبدأ تتباع من 25 يناير، من السواقين، ومحطات القطار الكهربائي الخفيف LRT زي عدلي منصور ومدينة الفنون والثقافة، وكمان من مراكز خدمة شركة العاصمة وجهاز العاصمة الجديدة.

وفي إطار الدعم الاجتماعي، هيكون في ركوب مجاني لذوي الهمم والمحاربين القدامى، وتسهيلات خاصة لكبار السن، مع خصم 60٪ على رسوم إصدار كارت الاشتراك لفترة محدودة.

وكمان تم تنظيم الصعود والنزول من الباب الأمامي للأتوبيسات حفاظًا على سلامة الركاب والانضباط. العاصمة الجديدة بتدخل مرحلة جديدة من النقل الجماعي الحضاري والمستدام.

facebook

twitter

whats

• اتوبيسات
• أتوبيسات العاصمة الجديدة
• نظام تذاكر موحد لأتوبيسات العاصمة الجديدة
• أجرة مواصلات العاصمة الجديدة
• النقل الجماعي
• الدعم الاجتماعي
• شركة العاصمة